الله الله علي شعب مصر  ..  الله الله على ولادك يا مصر
يحيا الشعب وتحيا الشرطة ويحيا الجيش
مصر بلدنا فوقها نموت وعليها نعيش .. ومافيش فيها مكان ولا مطرح للخفافيش
الله الله ع المستقبل .. باين في عيون كل ولادنا
وبلدنا ياناس هاتكون اجمل .. والخير هايعم علي بلادنا
والريس حبيب الملايين كلنا معاه مكملين .. عشان بلدنا واولادنا والخير لكل المصريين
ده اللي مصر محتاجاه هو ده اللي اكيد معاه
الوطن هيكون بخير اللي صمم واللي علا .. واللي وقت الشدة خلا كل شىء سهل ويسير
والمقاولين العرب م الشركات القوية.. كان ليها دور كبير في المشاريع القومية
بتسابق الزمان في المشروعات التنموية .. بتعمر وتبني من اسوان لاسكندرية
عملت 3 أبراج تحفة ومية مية علي كورنيش العلمين فوق الوصف وشوية
والمترو المكهرب حاجة خيالية.. هيقابل القطار الخفيف في أكبر محطة تبادلية
من عدلي منصور للعاصمة الادارية.. المترو والقطار بتكنولوجيا عالية
أمان ومافيش اخطار روحك يامصري غالية
المقاولين شغالة زي ماقال الكتاب.. في مجلس الشيوخ ومجلس النواب
وكمان دلوقتي بتعمل الحديقة المركزية .. علي أعلي مستوي في العاصمة الإدارية
فيها مناطق ترفيهية  بمعاييرعالمية .. وعملت احلي مسجد الفتاح العليم
اتفرج ع الجمال وروعة التصميم .. مليون سلام وتحية لاسرة المقاولين
عمال وصنايعية وفنيين ومهندسين
الله لله علي شعب مصر.. الله الله علي ولادك يا مصر
  شعر حسن عزو
عضو جمعية المؤلفين والملحنين والناشرين - إدارة المعامل