اشتقنالك يا مكه  واشتقنالك يا مدينة
ده الشوق فينا بكي قلوبنا  ويا عنينا
بندعي الله نزور أرض الهنا والنور   واطهر القبور  مقام الهادي نبينا
بحق بركه ذوالحجه  إوهب لنا ياكريم حجه
واغفر لنا ده احنا ياكريم علي الذنوب مالناش حجه
في شهر ذو الحجه المبروك  نور طريقنا وخد إيدنا
أوعدنا يارب أوعدنا بحج بيتك وأسعدنا
يارب تكرم زوارك  كل اللي حج وجه زارك   بالعفو والحج المبرور والتوبه ليك واستغفارك
الحمدلك والنعمه لك والملك لا شريك لك
جاين علي بابك ياكريم ومن القلوب لبينا لك  من رابغ احنا احرمنا عشان نطوف بحرمنا
يارب من فرحه روياك يوم القيامه ما تحرمنا
خدنا المطوف طاف بينا وبكينا علي قبر نبينا
اقبل دعانا يا الله  ويوم الحساب الطف بينا سعينا في الصفا والمروه وبئر زمزم لينا مروى ومنانا حوض رسول الله في الآخره يبق لينا مروه
عرفات عليه احنا وقفنا ونبكي وندعي من خوفنا يارب يا رحمن يا رحيم تقبل دعانا و طوافنا
الله اكبر  يا كورونا
الله اكبر يا كورونا  سبحانه منك يحمينا
سايبين أمور الله لله  وهانعمل احنا الي علينا
لابد نقعد في بيوتنا ونراعي دايما نضافتنا
نعبد وندعي في صلواتنا  وربنا هينجينا
يا كورونا كله بامر الله وهانهزمك ان شاء الله
بس احنا ناخد بالاسباب وكل داء مخلوقله دواه
هانلتزم ميه الميه  بالتعليمات الصحية
واقل حاجه معانا سلاح  كمامه وصابونه وميه
وتحية للجيش الأبيض  علي التعب والتضحيه
العمر امر بايد الله ولا حد يقدر ياخده سواه
لا يزيد ولا راح ينقص يوم  من عمرنا اللي كتبه الله
لا بوس ولا أحضان وسلام ولا اختلاط بالناس وزحام
علي بعض نسأل بالتليفون وبكره يبقي كله تمام
سلم بالعين ويلاش ايدك  سلام الايد مش هيفيدك
ابعد عن أي مكان زحمه  دي كورونا ما تعرفش الرحمه
خليك في البيت وابعد عني  ولا ازورك ولا تيجي تزورني
ده وباء خطير ما بيرحمشي لا هيرحمك ولا يرحمني   
كلمات الشاعر  حـســن عــــزو
عضو جمعية المؤلفين والملحنين
قطاع المعامل والتطوير